All verksemd som PST driv, skal vere i samsvar med gjeldande lover, forskrifter og underordna regelverk.
Vi bestemmer ikkje sjølv kven eller kva vi skal verne, eller kva typar kriminalitet vi skal konsentrere oss om å kjempe mot, men innrettar oss etter det ansvaret Storting, Regjering og departement har pålagt oss.
Hovudreglane for korleis vi skal forvalte dette ansvaret, er også fastsette av Stortinget. Det sentrale utgangspunktet for PSTs politifaglege arbeid finn vi i straffeprosesslova, politilova og personvernlova. Rammene som er trekte opp av Stortinget, er som regel nærmare definerte i forskrifter. Sentrale forskrifter for vårt vedkommande er PST-instruksen, påtaleinstruksen og politiinstruksen.