Påtalemakta

PST er eit politiorgan med påtalemakt. Det inneber at sjefen for PST kan avgjere at det skal innleiast politietterforsking.
 
Overordna påtalemakt
I saker som politiet etterforskar, er det ikkje Justisdepartementet, men Riksadvokatembetet og statsadvokatane som er den overordna styresmakta vår. (Denne todelinga av styresmakt er lik for alle politieiningar i Noreg som har fått mynde til å drive etterforsking.) Riksadvokaten og statsadvokatembeta skal som overordna påtalemakt føre kontroll med all politietterforsking, også etterforsking som PST utfører.
 
Utøvinga av påtalemakt
Reglane om utøving av påtalemakt er fastsette av Stortinget i straffeprosesslova (lov nr. 25 av 22. mai 1981 om rettargangsmåten i straffesaker), og nærmare definert i påtaleinstruksen (forskrift nr. 1679 av 28. juni 1985 om ordninga av påtalemakta).